МОЛИТВА ТРЕМ СВЯТИТЕЛЯМ: ВАСИЛИЮ ВЕЛИКОМУ, ГРИГОРИЮ БОГОСЛОВУ И ИОАНУ ЗЛАТОУСТОМУ
О, пресветлии светильницы. Церкве Христовы, Василие, Григорие и Иоанне, светом православных догматов вся концы земли озарившии! Приподающе к вашему милосердию, с верою и любовию из глубины души вопием:предстояще Престолу Пресвятыя, Единосущныя, Животворящыя и Нераздельныя Троицы, за Нюже словом, писанием и житием добре подвизастеся и души своя полагасте, всегда молитеся Ей, да укрепит и ны в Православии и единомыслии, и непоколебимем даже до смерти исповедании веры Христовы, и во вседушевнем послушании Его Церкви Святей; да препояшет ны с высоты силою на вся невидимыя и видемыя враги наша; да соблюдет Церковь Свою незыблему от неверия, суеверия, ереси и раскола; да дарует народу нашему долгоденствие и во всем благе поспешение; пастырем нашим да подаст духовное трезвение и ревность о спасении пасомых, властем суд и правду, воином терпение, мужество и одоление на враги, сирым и вдовицам заступление, болящым исцеление, юным благое в вере возрастание, старцам утешение, обидным заступление и всем вся, ко временней и вечней жизни потребная, яко да в мире и покаянии, желанием спасения горяще, Господеви работающие, добрым подвигом подвизающеся, течение наше скончаем и сподобимся в Небеснем Царствии купно с вами всегда пети и славити Пресвятое и Великолепое имя Отца и Сына и Святаго Духа во веки веков. Аминь.
ТРОПАРЬ, ГЛАС 4
Яко Апостолов единонравии и вселенныя учителие, Владыку всех молите, мир вселенней даровати и душам нашим велию милость.
КОНДАК, ГЛАС 2
Священныя и боговещанныя прповедники, верх учителей Господи, приял еси в наслаждение благих Твоих и упокоение; труды бо онех и смерть принял еси паче всякаго всеплодия, Едине прславляяй святыя Твоя.
ВЕЛИЧАНИЕ
Величаем вас, святителие Василие, Григорие и Иоанне и чтим святую память вашу; вы бо молите за еас Христа Бога нашего.
| 
